गणेश भगवान जस्तै शिशु जन्मिएपछि हेर्नेको भीड
एजेन्सी – भारतको उत्तर प्रदेशको अलिगढमा गणेश भगवानजस्तै अनुहार भएकी बालिका जन्मिएपछि हेर्नेको भीड लागेको छ । मिररको अनलाइन संस्करणका अनुसार चिकित्सकले आनुवंशिक उत्परिवर्तनका कारण यस्तो भएको र उनी भगवान नभएको बताइरहँदा पनि मानिसहरु ‘भगवान गणेश’ भन्दै उनलाई पूजा गर्न झुम्मिएका छन् ।
उनको अनुहारमा गणेश भगवानको जस्तै हात्तीको सुड पलाएको छ । नवजात शिशुकी बाबुकी बहिनी रजनीले आफ्नो भाउजुले गणेश भगवानको जस्तै अनुहार भएको बालिकालाई जन्म दिएको बताएकी छन् । देख्ने हरेक मान्छेले उनलाई गणेश भगवानको अवतार भन्ने गरेको उनले समाचार संस्थाहरुलाई बताएकी छन् । गत बिहीबार बिहान ७ः०० बजे ती बच्चाको जन्म अलिगढको एक सामान्य परिवारमा भएको हो । ती बालिकालाई उनकी आमाले चौथो सन्तानका रुपमा जन्म दिएको र उनको परिवार यसअघि स्वस्थ रहेको पनि बताइएको छ । चिकित्सकले कुपोषण र प्रदुषणका कारण यस्तो अस्वभाविक जन्म भएको हुनसक्ने अनुमान गरेका छन् ।
0 comments
प्रतिक्रिया दिनुहोस्...