नेपाल प्रवेश गरी भारतीय वन रक्षकद्धारा नेपालीमाथि गोली प्रहार (भिडियो)

बर्दिया, चैत्र १४ । बर्दियामा कृषकहरुले भारतीय वन रक्षकले आफूहरुमाथि गोली प्रहार गरेको जनाएका छन् ।

उनीहरुले चौगुर्जी मौजामा रहेको बारीमा मसुरो काटिरहेको अवस्थामा शनिबार ‘भारतीय वन रक्षकहरु नेपाल प्रवेश गरी आफूहरुमाथि गोली प्रहार गरेको’ जनाएका हुन् । तीनजनाको समूहमा आएका भारतीय वन रक्षकहरुले चलाएको गोली लागेर गुलरिया नगरपालिका आशापुरका रमेश लोध घाइते भएका छन् । उनीसँगै रहेका अर्का एकजना भने सुरक्षित छन् । तर, भारतीय प्रहरीले भने उनीहरु ‘मोस्ट वान्टेड’को सूचीमा रहेको जनाएको छ ।

Labels: news