चमोलीमा पहाड खस्यो, मानिसहरु पुरिए (तस्विर सहित)

१८ चैत, एजेन्सी ।नेपालको सीमा क्षेत्रमा पर्ने भारतीय राज्य उत्तारा खण्डको चमोलीमा सडक फराकिलो पार्ने क्रममा एक पहाड नै भत्किँदा कम्तिमा ४ जनाको ज्यान गएको छ भने अन्य दर्जनौं घाइते भएका छन् ।

चमोलीको जोशीमठ ब्लकमा पर्ने रैणी गाउँ नजिकैको सडकमा यस्तो घटना भएको हो । सडक फराकिलो पार्ने क्रममा मजदुरहरु काममा ब्यस्त थिए । यही समयमा एक्कासी पहाड खसेपछि मजदुरहरु पहिरो भित्र पुरिएको भारतीय सञ्चार माध्यमले जनाएका छन् ।

घटनामा कम्तिमा ४ मजदुरको निधन भएको र अन्य दर्जनौं घाइते भएको समाचारमा उल्लेख छ । घटनास्थलबाट कम्तिमा ४ जनाको शव निकालिएको छ ।जेसीबी पहाड धौली गंगामा खसेको समाचारमा जनाइएको छ ।

Labels: news